UFUNDISHAJIwa nadharia za uhakiki wa fasihi ulipoanza, ilifikiriwa kwamba hatimaye fasihi
imefanikiwa kupata silaha za kiuhakiki na kiakademia za kutegemewa. Wahakiki na wananadharia wa Kimagharibi kama Wellek na Warren (1946) walifikiria kwamba nadharia ya
uhakiki wa fasihi ilikuwa moja popote fasihi iliposomwa. Hivi sasa katika kame ya 21, nadharia
ni nyingi na zinaendelea kuundwa kuendana na mazingira anuwai ambamo wahakiki
wanapatikana. Makala haya yananuia kuonyesha kwamba wingi wa nadharia zilizopo
unaashiria mchomozo wa itikadi zinazoratibisha kuwepo kwa nadharia hizo . Japo Wellek na
Warren walikuwa wakizungumzia kuhusu nadharia katika umoja wake, walikuwa wakiitikia
maswala ya kiitikadi. Jambo hili linahusu fasihi ya Kiswahili vilevile.